ჩვენ ვემზადებით თვითმმართველობის არჩევნებისთვის, რომელშიც, დარწმუნებით მინდა გითხრათ, რომ ყველა მუნიციპალიტეტში გავიმარჯვებთ ასევე დამაჯერებლად, ვინაიდან „ქართულ ოცნებას" დღეს ქვეყანაში ალტერნატივა არ აქვს, - ამის შესახებ საქართველოს პრემიერ-მინისტრმა ირაკლი ღარიბაშვილმა ჩხოროწყუში, „ქართული ოცნების" მერობის კანდიდატის, დათო გოგუას წარდგენისას განაცხადა.

მთავრობის მეთაურმა „ქართული ოცნების" მხარდამჭერებს ერთგულებისა და თავდადებისთვის მადლობა გადაუხადა.

„მე და მთლიანად ჩვენი გუნდი, მადლიერი ვართ თქვენი მხარდაჭერისთვის და თქვენი ერთგულებისთვის, რომელსაც იჩენთ ბოლო 8 წელზე მეტია. სწორედ თქვენი ერთგულებით, თავდადებით, ჩვენ ბოლო 7 არჩევნებში გვიმარჯვეთ ღირსეულად და დამაჯერებლად, რითაც ჩვენს ქვეყანაში დამკვიდრდა მშვიდობა, სტაბილურობა და განვითარება შემოვიდა ყველა ქალაქსა და მუნიციპალიტეტში. ახლა ჩვენ ვემზადებით თვითმმართველობის არჩევნებისთვის, რომელშიც, დარწმუნებით მინდა გითხრათ, რომ ყველა მუნიციპალიტეტში გავიმარჯვებთ ასევე დამაჯერებლად, ვინაიდან „ქართულ ოცნებას" დღეს ქვეყანაში ალტერნატივა არ აქვს. ჩვენი ხელისუფლება, ჩვენი ხელწერა, ჩვენი საქმე და არა მხოლოდ სიტყვა, ადასტურებს იმას, რომ ჩვენ ვართ პასუხისმგებლიანი გუნდი, რომელიც არის დაფუძნებული პრინციპებსა და ღირებულებებზე, იმ მთავარ ღირებულებებზე, რომელიც არის ჩვენი დიდი ოჯახის, ჩვენი გუნდის შემაკავშირებელი. ჩვენს ერთგულებას, ღირსებას და პატიოსნებას, რა თქმა უნდა, ალტერნატივა არ აქვს, იმიტომ, რომ ეს არის სწორედ ის ფუნდამენტი, რაზეც ჩვენ ვდგავართ. ჩვენ ვმართავთ ქვეყანას დემოკრატიულად და ჩვენს მოსახლეობას მოვუტანეთ თავისუფლება, რომელიც იყო ასე ნანატრი 2012 წლის 1-ელ ოქტომბრამდე. ძალიან დიდი დრო არ გასულა მას შემდეგ, რაც 2012 წლის 1-ელ ოქტომბერს ქვეყანამ ისტორიული გამარჯვება მოიპოვა ჩვენი დამფუძნებლის, ბიძინა ივანიშვილის ლიდერობით. მინდა, გავიხსენო, თუ როგორი უსამართლობა იყო დამკვიდრებული არა მხოლოდ  სამეგრელოში, არამედ მთელს ქვეყანაში და ყველგან სუფევდა ეს მჩაგვრელი ხელისუფლება. მათი ხელწერა იყო ტერორი, შანტაჟი, ჩვენი მოსახლეობის ჩაგვრა, რაც ჩვენ ყველამ ერთად დავასრულეთ", - განაცხადა ირაკლი ღარიბაშვილმა.

ავტორი: NS (სტატია დაფინანსებულია),

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა