„ნაციონალური მოძრაობა“ გამოდის ინიციატივით, სრულად ვაქცინირებულთათვის 3 თვით კომუნალური გადასახადები გაუქმდეს

2021-08-26 13:12:59, 690 ნახვა

საზოგადოება

„ნაციონალური მოძრაობა“ გამოდის ინიციატივით, სრულად ვაქცინირებული ოჯახებისთვის სამი თვის განმავლობაში კომუნალური გადასახადები გაუქმდეს და ასევე, სრულად ვაქცინირებულთათვის მუნიციპალური ტრანსპორტის ფასი განახევრდეს.

პარტიის ოფისში გამართულ ბრიფინგზე ხატია დეკანოიძემ განაცხადა, რომ სრულად ვაქცინირებულების წახალისებისთვის და ვაქცინაციის პოპულარიზაციის მიზნით, „ნაციონალური მოძრაობა“ ხელისუფლებისგან ითხოვს:

სამედიცინო ფაკულტეტების დამამთავრებელი კურსის სტუდენტების გადამზადებას იმისთვის, რომ ექიმებს დაეხმარონ;
ვაქცინაციის პოპულარობისა და წახალისებისთვის - გაუქმდეს სრულად ვაქცინირებული ოჯახებისთვის კომუნალური გადასახადები 3 თვით;
სრულად ვაქცინირებულებისთვის განახევრდეს ტრანსპორტის ფასი;
სოციალურად დაუცველ ვაქცინირებულებს დამატებით 1 თვის სოციალური დახმარება ჩაერიცხოთ;
სრულად ვაქცინირებულ პენსიონერებს, დამატებით მიეცეთ ნახევარი თვის პენსია
სრულად ვაქცინირებული და თვითდასაქმებულებს გაუნახევრდეთ წლიური საშემოსავლო გადასახადი.
გარდა ამისა, დაიწყოს მსჯელობა ბუსტერ დოზებზე