2021-08-12 11:46:47, 829 ნახვა
პოლიტიკა
რუსთავის საკრებულოს თავმჯდომარემ „ქართული ოცნება“ დატოვა და სოსო გოგაშვილის გუნდს უერთდება
რუსთავის საკრებულოს თავმჯდომარემ, ლევან ონიანმა პარტია „ქართული ოცნება“ დატოვა და სოსო გოგაშვილის გუნდს უერთდება.
როგორც მან „ექსპრესნიუსთან“ საუბრისას განაცხადა, პარტიის დატოვების მიზეზი საკადრო პოლიტიკაა, რომელსაც „ქართული ოცნება“ ახორციელებს.
„მიზეზი ძალიან კომპექსურია. პირველ რიგში, ეს არის საკადრო პოლიტიკა, იმ გზიდან გადახვევაა, რომელსაც ჩვენ 2012 წლიდან შევუერთდით. ვინც გვებრძოდა, გვაშანტაჟებდა, მოხდა ისე, რომ დღევანდელი „ქართული ოცნების“ სათავეში მოექცნენ და აქედან გამომდინარე, ეს ჩემთვის მიუღებელია და არ შემეძლო „ქართულ ოცნებაში“ დარჩენა“, - განაცხადა ონიანმა.
ცნობისთვის, სუს-ის ყოფილი მოადგილე სოსო გოგაშვილი პოლიტიკაში მოდის და „სახალხო პარტიაში“ ბრუნდება.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
