კულტურის მინისტრის, თეა წულუკიანის მიერ ჟურნალისტისთვის მიკროფონის წართმევის ფაქტზე „მთავარი არხის“ გენერალურმა დირექტორმა, ნიკა გვარამიამ პროკურატურას მიმართა.

როგორც ნიკა გვარამიამ პროკურატურის წინ გამართულ ბრიფინგზე აღნიშნა, თეა წულუკიანმა ჩაიდინა ორი დანაშაული - ჟურნალისტურ საქმიანობაში ხელშეშლა და სხვისი ნივთის მითვისება.

„ის, რაც წულუკიანმა გუშინ გააკეთა, არის უპრეცედენტო შემთხვევა, როდესაც მთავრობის წევრმა, ჟურალისტს მოპარა მიკროფონი, პირდაპირი მნიშვნელობით, მიითვისა სხვისი საკუთრება და ამით ჩაიდინა, ერთის მხრივ ძარცხვა და მეორეს მხრივ, ჟურნალისტურ საქმიანობაში ხელშეშლა. სრული ტყუილია, რომ ჩვენ ვშლიდით პრემიერას. სპექტაკლი დაწყებული არ იყო, ვიმყოფებოდით დარბაზში და გვინდოდა კომენტარი ქალთა სოლიდარობასთან დაკავშირებით, ვისზეც მამაკაცმა დეპუტატმა პარლამენტში იძალადეს. ამასთან დაკავშირებით კომენტარის ნაცვლად, ქალმა იძალადა ქალ ჟურნალისტზე და მთლიანად მედიაზე“, - განაცხადა ნიკა გვარამიამ.

შეგახსენებთ, რომ გუშინ, კულტურის მინისტრმა თეა წულუკიანმა „მთავარი არხის“ ჟურნალისტ ემა გოგოხიას მიკროფონი წაართვა. ამის შესახებ მინისტრმა სოციალურ ქსელშიც დაწერა და აღნიშნა, რომ მიკროფონს არ დააბრუნებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა

გეგელია - იმ ფონზე, როცა უკრაინა და მოლდოვა წინ მიდიან, საქართველო არის სრულ ჩიხში და იზოლაციაში

ჩინეთმა რუსეთთან ახალი გაზსადენი „სიბირის ძალა 2“-ის შესახებ მოლაპარაკებები შეაჩერა