2021-07-12 19:44:52, 933 ნახვა
საზოგადოება
პარლამენტთან მთავრობის გადადგომის მოთხოვნით საპროტესტო აქცია მიმდინარეობს
რუსთაველის გამზირზე, პარლამენტის შენობის წინ მთავრობის გადადგომის მოთხოვნით საპროტესტო აქცია მიმდინარეობს.
პარლამენტის შენობის წინ შეკრებილი არიან პოლიტიკოსები, სამოქალაქო აქტივისტები, სხვადასხვა მედია ორგანიზაციები და რიგითი მოქალაქეები.
აქციის მონაწილეების მოთხოვნა უცვლელია. ისინი პრემიერ-მინისტრ ირაკლი ღარიბაშვილის და მთავრობის გადადგომას ითხოვენ.
ამასთან, მათი მოთხოვნაა დაუყონებლივ დააკავონ და კანონის სრული სიმკაცრით დასაჯონ მოძალადეები, რომლებიც 5 ივლისს „ტვ პირველის“ ოპერატორს, ალექსანდრე ლაშქარავას ფიზიკურად გაუსწორდნენ.
ამ წუთებში მედიის წარმომადგენლები პარლამენტის წინ შეკრებილებს სიტყვით მიმართავენ. ადგილზე მობილიზებული არიან სამართალდამცველები.
ავტორი: ექსპრესნიუსი,
epn.ge (@expressnews.ge)
