შინაგან საქმეთა მინისტრის მოადგილე ალექსანდრე დარახველიძე, ევროპის საბჭოს საპარლამენტო ასამბლეის თანასწორობისა და ანტიდისკრიმინაციული კომიტეტის წარმომადგენლებს, ქრისტოფ ლაკრუას და ჯიორჯიო ლოდოს შეხვდა.

უწყების ინფორმაციით, სამხრეთ კავკასიის ქვეყნებში ვიზიტად მყოფი დელეგაციის წევრები საქართველოს ფაქტების დამდგენი მისიის ფარგლებში ეწვივნენ.

მათივე ცნობით, მისიის მიზანია დისკრიმინაციასთან ბრძოლის კუთხით სახელმწიფო უწყებების მიერ გატარებული ღონისძიებების და მიღწეული შედეგების შეფასება.

„შეხვედრაზე ალექსანდრე დარახველიძემ კომიტეტის წარმომადგენლებს დეტალურად მიაწოდა ინფორმაცია ბოლო წლების განმავლობაში უწყების მიერ დისკრიმინაციის, სიძულვილის ენის და სიძულვილით მოტივირებული დანაშაულის, მათ შორის სექსუალური ორიენტაციისა და გენდერული იდენტობის ნიშნით შეუწყნარებლობის მოტივით, ჩადენილი დანაშაულების წინააღმდეგ ბრძოლის მიმართულებით გადადგმული ნაბიჯების შესახებ.

შეხვედრაზე მინისტრის მოადგილემ ასევე ყურადღება გაამახვილა დისკრიმინაციული ნიშნით ჩადენილ დანაშაულებზე შინაგან საქმეთა სამინისტროს გამომძიებელთა კომპეტენციისა და კვალიფიკაციის ამაღლების მიმართულებით ევროპის საბჭოსთან თანამშრომლობის მნიშვნელობაზე. მხარეებმა აღნიშნეს, რომ ამ მიმართულებით თანამშრომლობა მომავალშიც გაგრძელდება.

საპარლამენტო ასამბლეის წარმომადგენლებმა, განხილულ საკითხებთან დაკავშირებით, საქართველოს შინაგან საქმეთა სამინისტროს მიერ ბოლო წლებში გატარებული ღონისძიებები პოზიტიურად შეაფასეს. დელეგაციის წევრებმა ასევე ხაზი გაუსვეს, „თბილისი პრაიდის“ კვირეულის ფარგლებში ჩატარებულ ღონისძიებაზე შინაგან საქმეთა სამინისტროს მიერ უსაფრთხოების დაცვის მიზნით გატარებულ ეფექტიან ზომებს“ , - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა

დროა: ელენე ხოშტარია ციხიდან ვივამედში გადაჰყავთ, უკვე გზაშია

საგანძურის მარათონი დაიწყო - შემოუერთდი საგანძურის მაძიებლებს თიბისის მობაილბანკში