თბილისის მერიის გარემოს დაცვის საქალაქო სამსახური ვაკის პარკის სრულმასშტაბიან  რეაბილიტაციას ახორციელებს.

მიმდინარე სამუშაოებს, დღეს, მერის მოადგილე ანდრია ბასილაია, გარემოს დაცვის საქალაქო სამსახურის უფროს გიგა გიგაშვილთან ერთად, ადგილზე გაეცნო.

„ვაკის პარკის რეაბილიტაციისთვის 16 მილიონი ლარი დაიხარჯება. პროექტი მიმდინარე წელს დასრულდება. განხორციელებული სამუშაოების შედეგად, ზონირების პრინციპის დაცვით, აქ ახალი სივრცეები მოეწყობა. საბოლოოდ, დედაქალაქს ვაკის პარკი თანამედროვე სტანდარტების გათვალისწინებით დაუბრუნდება. ძალიან სასიხარულოა, რომ პარალელურად  ვაკის პარკის შადრევნებისა და კასკადის სრული რეაბილიტაციაც დაიწყება“, - განაცხადა ანდრია ბასილაიამ.

ამჟამად, ამფითეატრის, ძაღლების სასეირნო მოედნის, ფანჩატურების, ბეტონის ბილიკების, ელექტროგაყვანილობისა და სარწყავი ქსელების მოწყობის სამუშაოები მიმდინარეობს.

ამ ეტაპზე, უკვე აშენებულია ადმინისტრაციული შენობა და წყალსაცავი რეზერვუარი,  მოწყობილია სანიაღვრე ცენტრალური ქსელი, რესტავრირებულია ძველი სანათები და დამონტაჟებულია საპარკე ფურნიტურა.

აღსანიშნავია, რომ სარეაბილიტაციო სამუშაოები  მნიშვნელოვანი ჩარევებისა და ცვლილებების გარეშე მიმდინარეობს. კერძოდ, უცვლელი რჩება პარკის გეგმარება.

სამუშაოების ფარგლებში, სრულად რეაბილიტირდება პარკში არსებული ღია კინოთეატრის შენობა; მოეწყობა ცხოველების სასეირნო ახალი სივრცე, საპიკნიკე ზონა, საბავშვო ატრაქციონები, ტრენაჟორები და სამაგიდო თამაშების ზონები;  განახლდება ველობილიკი.

დენდროლოგიური კვლევის საფუძველზე, სრულად განახლდება მცენარეული საფარი. პარალელურად, იწყება ვაკის პარკის კასკადისა და შადრევნების სარეაბილიტაციო სამუშაოები, რომლის პროექტიც უკვე მზადაა. კასკადის კონსტრუქცია სრულად განახლდება იმავე მასალითა და ვიზუალით, რაც ამჟამადაა. ასევე, მთლიანად შეიცვლება წყალმომარაგების სისტემა.

ავტორი: NS (სტატია დაფინანსებულია),

სოციალური ქსელები

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა