უნდა ჩავხედო თვალებში ივანიშვილის რეჟიმის „ზონდერს“, მონას და „ჩმორს“, - ამის შესახებ ოპოზიციონერმა პოლიტიკოსმა, გიგი უგულავამ თბილისის საქალაქო სასამართლოში მისვლის შემდეგ განაცხადა.

მისი თქმით, ბადრი გავაშელიშვილს მოუწევს ინტერვიუს მიცემა და მოყოლა - ვინ დაავალა, როგორ დაავალა და ეს კვალი მივა ივანიშვულამდე და მის ოჯახამდე.

„მე კანონით მაქვს უფლება ამ სასამართლო პროცესში არ მივიღო მონაწილეობა, მაგრამ სპეციალურად მოვდივარ იმიტომ, რომ ისტორიაში და ცხოვრებაში შეილება ასე ხშირად არ გქონდეს შესაძლებლობა აბსურდის თეატრში მიიღო მონაწილეობა, რასაც დღევანდელი  ივანიშვილის სასამართლო წარმოადგენს. როგორც მე გავიგე დღეს დაზარალებული, ანუ ჩემ მიერ ნაცემი გავაშელიშვილი უნდა მოვიდეს, ძალიან კარგია, ერთი, უნდა ჩავხედო თვალებში ივანიშვილის რეჟიმის „ზონდერს“, მონას და „ჩმორს“, არავის არ უნდა დაავიწყდეს, რომ ეს ადამიანი ნოემბერში დარბევაში მონაწილეობდა, თავისუფალი დემონსტრანტების წინააღმდეგ გამოდიოდნენ. ის არის ჩვეულებრივი სუს-ის მიერ დაქირავებული მონა და ორგროშიანი „ზონდერი“, რომელიც ხელისუფლების სახელით ასეთ რაღაცებს ჩადის.

ტყუილად ჰგონია, რომ ასე დამთავრდება ეს ამბავი, გავაშელიშვილს მოუწევს ინტერვიუს მიცემა და მოყოლა ვინ დაავალა, როგორ დაავალა და ეს კვალი მივა ივანიშვილამდე და მის ოჯახამდე. იმიტომ, რომ დავალება სწორედ მაქედან მოდის“, - განაცხადა გიგი უგულავამ.

ცნობისთვის, თბილისის საქალაქო სასამართლოში დღეს ოპოზიციონერი პოლიტიკოსის, გიგი უგულავას საქმეზე დაზარალებულად ცნობილი ძიუდოისტი, ბადრი გავაშელიშვილი გამოიკითხება. დღევანდელ პროცესს დაესწრება თავად ბრალდებულიც. 

საქმე ეხება 2019 წლის 11 დეკემბერს თბილისის საერთაშორისო აეროპორტში მომხდარ ინციდენტს. გამოძიების ინფორმაციით, გიგი უგულავამ ევროპის ჩემპიონ ბადრი გავაშელიშვილზე იძალადა.

ავტორი: ექსპრესნიუსი,

სოციალური ქსელები

დუბაის პრინცმა ინდოელი flydubai-ს პილოტი, კაპიტანი სმიტ მაჩჰარი საავადმყოფოში მოინახულა

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია