ევროპარლამენტარები საქართველოს შინაგან საქმეთა მინისტრს, ვახტანგ გომელაურს „თბილისი პრაიდის“ მიერ ორგანიზებული ღირსების მარშზე მომიტინგეების ეფექტური დაცვისკენ მოუწოდებენ.

ერთობლივ განცხადებაში, რომელსაც 28 ევროპარლამენტარი აწერს ხელს, აღნიშნულია, რომ მნიშვნელოვანია ხელისუფლებამ დაიცვას „თბილისი პრაიდის“ მომიტინგეები და უზრუნველყოს მათი გამოხატვის თავისუფლება.

ამასთანავე, ისინი ეხმაურებიან „ქართული ოცნების“ თავმჯდომარის, ირაკლი კობახიძის მიერ გაკეთებულ განცხადებას იმასთან დაკავშირებით, რომ „თბილისი პრაიდის“ მსვლელობა უნდა გაუქმდეს და აღნიშნავენ, რომ ის ეწინააღმდეგება უნივერსალურ უფლებებს.

„მოგმართავთ თქვენ, მინისტრს, თხოვნით, რომ უზრუნველყოთ არა მხოლოდ პრაიდის ჩატარება, რომელიც შეესაბამება მშვიდობიან შეკრებასა და გამოხატვის თავისუფლების უფლებას, ასევე იმისთვის, რომ მიიღოთ ყველა ზომა, რათა უზრუნველყოფილი იყოს მანიფესტანტების გამოხატვის თავისუფლება და მშვიდობიანი შეკრების უფლებით ეფექტურად სარგებლობა“, - აღნიშნულია წერილში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს