მჯერა, რომ არ თამაშობთ, როლში არ ხართ, გულწრფელად გძულთ „ნაციონალური მოძრაობა“, - ასე მიმართა პარტია „მოქალაქეების“ ლიდერმა, ალეკო ელისშვილმა პრემიერ-მინისტრ ირაკლი ღარიბაშვილს, რომელმაც პარლამენტის რიგგარეშე სესიაზე წლიური ანგარიში წარადგინა.

ელისაშვილის განცხადებით, პრემიერმა წლიური ანგარიშის წარდგენისას „ზედმეტად ბევრი დრო დაუთმო სიძულვილის პინგ-პონგს და ძალიან ცოტა დრო რეალურ პრობლემებს“.

„იმ დღეს გიყურებდით და დავრწმუნდი იმიტომ, რომ მანამდე ეთერებიდან გადევნებით ხოლმე თვალყურს და მჯერა, რომ არ თამაშობთ, როლში არ ხართ, გულწრფელად გძულთ „ნაციონალური მოძრაობა“. ეს დასკვნა გამოვიტანე. სიმართლე გითხრათ, ბოლო თვეების ჩვენი ურთიერთობიდან გამომდინარე, ჩვენი, პარტია მოქალაქეების და ნაციონალური მოძრაობის, ჩვენ უფრო მეტი მიზეზი გვაქვს, აგერ, ქალბატონიც ადასტურებს, რომ გვძულდეს „ნაციონალური მოძრაობა“, მაგრამ ჩვენ აქ არ ვართ არც სიყვარულისთვის და არც სიძულვილისთვის.

ჩემი ღრმა რწმენით, ჩვენ აქ ვართ ხალხის სამსახურისთვის. იმ დღეს და პირველ რიგში, ჩემი აზრით, თქვენი ბრალი იყო, რადგან თქვენ ხართ სახელმწიფოს მეთაური და პრემიერ-მინისტრი, ზედმეტად ბევრი დრო დაუთმეთ ამ რაღაცა სიძულვილის პინგ-პონგს და ძალიან ცოტა დრო რეალურ პრობლემებს, მათზე საუბარს“, - განაცხადა ალეკო ელისაშვილმა.

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს