საქართველოს ყოფილი პრემიერ-მინისტრი და პარტია „საქართველოსთვის“ ლიდერი ადასტურებს, რომ ვაშინგტონში იმ სასტუმროში იმყოფებოდა, სადაც მიხეილ სააკაშვილი.

ამასთანავე, გიორგი გახარია უარყოფს ინფორმაციას, რომ ის შეხვდა „ნაციონალური მოძრაობის“ წარმომადგენლებს და აცხადებს, რომ აღნიშნულ პარტიასთან არაფერი საერთო არ აქვს.

მანვე დასძინა, რომ „ქართულ ოცნებას“ „ნაციონალური მოძრაობის“ წინააღმდეგ ისეთივე ჟინით რომ ებრძოლა როგორც დღეს მისი პარტიის წინააღმდეგ იბრძვის, საქართველოში სულ სხვა პოლიტიკური ვითარება იქნებოდა.

„ამ სასტუმროში ვიყავით ერთი ღამე. იქ შევიკრიბეთ, სხვადასხვა ქალაქებიდან ჩამოვფრინდით და მეორე დღესვე, უკვე ვიყავით სხვა სასტუმროში. გადაკვეთა არანაირი არ გვქონია და საერთოდ ეს, არასერიოზულია. ჩვენი წასვლა, თავიდანვე ასე იყო დაგეგმილი, იმიტომ რომ, ლოგისტიკურად სხვა სასტუმროში ყოფნა ბევრად უფრო მოსახერხებელი იყო. საერთოდ, ამის უკან, არაფერი არ არის და შეხვედრაზე, საუბარიც ზედმეტია. არაფერი მე დასამალი არ მაქვს, არაფერი საერთო „ნაციონალურ მოძრაობასთან“ არ მაქვს და მეტსაც გეტყვით, „ქართულ ოცნებას“ წლების განმავლობაში ისეთი ჟინით რომ ებრძოლა „ნაციონალური მოძრაობის“ წინააღმდეგ, როგორც დღეს ჩვენს წინააღმდეგ იბრძვის, დღეს ქვეყანაში სხვა პოლიტიკური ვითარება იქნებოდა“, - განაცხადა გიორგი გახარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს