საოკუპაციო ძალების მიერ უკანონოდ დაკავებული ზაზა გახელაძის მხარდასაჭერად თბილისში, რესპუბლიკის მოედანზე პოლიტიკოსები და სამოქალაქო აქტივისტები იკრიბებიან, რომლებიც სოფელ ქვემო ჭალისკენ გაემართებიან, სადაც ზაზა გახელაძის ოჯახის მიერ დაგეგმილ საპროტესტო აქციას შეუერთდებიან.

როგორც პოლიტიკური მოძრაობა „დროას“ ლიდერმა ელენე ხოშტარიამ ჟურნალისტებს განუცხადა, აღნიშნული საპროტესტო აქცია არა მხოლოდ მორალური მხარდაჭერა, არამედ ქმედებაა, რომელიც აიძულებს ხელისუფლებას ეფექტურად იმოქმედოს.

 „ყველაზე დიდი პრობლემაა, რომ ეს 11 თვე, რაც გატაცებულია ზაზა გახელაძე, დავხარჯეთ არა ქმედით ნაბიჯებში, საერთაშორისო წნეხის გაზრდაში და სხვადასხვა ბერკეტის გამოყენებაში, ძირითადად ოჯახის გაჩუმებაში და საკითხის მიყრუებაში. თუ ჩვენ არ ვიმოქმედებთ, ხელიუფლება ვხედავთ, რომ ამჯობინებს ჩუმად ყოფნას, ამიტომ ეს აქცია არის არა მხოლოდ მორალური მხარდაჭერა, არამედ ქმედება, რომელიც აიძულებს ხელისუფლებას, რომ მართლაც ეფექტურად იმოქმედოს და გამოიყვანოს ზაზა გახელაძე“, - განაცხადა ელენე ხოშტარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს