სიტყვა სადღეგრძელოს ვინც უგვანოდ იყენებთ, დაბადებისას ცუდად გადღეგრძელეს ან არასწორად დაიბადეთ, - ასე მიმართა საპარლამენტო უმრავლესობის დეპუტატმა ლადო კახაძემ, პარლამენტის პლენარულ სხდომათა დარბაზში მსხდომ დეპუტატებს.

ლადო კახაძემ მოუწოდა დეპუტატებს, გაუფრთხილდნენ საჯარო სივრცეს.

„ძალიან ხშირად ხმარობთ სიტყვა სადღეგრძელოს, ასეთი შთაბეჭდილება მრჩება, რომ ისინი ვინც ამას უგვანოდ ხმარობთ, ცუდად გადღეგრძელეს როცა დაიბადეთ ან არასწორად დაიბადეთ ამ ქვეყანაზე და ვერ შეგეგებათ თქვენი წინამორბედი თქვენს მოვლენის გასახალისებლად და ამ სიხარულის გასანაწილებლად. ამ სიტყვას დაუკვირდით ადამიანებო, პოლიტიკოსების მოსახმარი სიტყვა არ არის სადღეგრძელო, მის უკან ლიტერატურაც, ისტორიაც კარგად უნდა იცოდე, ის დარგი უნდა იცოდე, რომელიც აირჩიე, მაგრამ თუ გაქვთ ასეთი დარგი, არ ვიცი. ყველანი პირდაპირ პოლიტიკოსები გახდით. არაფერი არ გამოგივლიათ ამ ქვეყანაზე, პირდაპირ ტრიბუნასთან დადექით. ნაწილს ეხება ეს, ყველას არა. საჯარო სივრცეს გაუფრთხილდით“, - განაცხადა ლადო კახაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა

ტრამპმა კონგრესს განუცხადა, რომ ირანთან ომი შეწყდა