2021-06-09 13:40:43, 610 ნახვა
პოლიტიკა
ნიკა მელია შარლ მიშელის დოკუმენტის ხელმოწერაზე - გადაიფურცლა ეს გვერდი, მივდივართ წინ
გადაიფურცლა ეს გვერდი, მივდივართ წინ, - ასე უპასუხა „ნაციონალური მოძრაობის“ თავმჯდომარემ ნიკა მელიამ ჟურნალისტის შეკითხვას, მოაწერს თუ არა პარტია შარლ მიშელის დოკუმენტს ხელს.
როგორც ნიკა მელიამ აღნიშნა, პარლამენტში შესული „ნაციონალური მოძრაობა“ მიიღებს აქტიურ მონაწილეობას კონკრეტულ საკითხებში.
„კონკრეტულ საკითხებში, რომელიც არის უმნიშვნელოვანესი, მივიღებთ აქტიურ მონაწილეობას. ჩვენ მივიღეთ ის გადაწყვეტილება, რომელიც ჩავთვალეთ საჭირო, რომ არის მისაღები და სხვა პარტიებმა, დიდი პატივისცემით, მიიღეს ის გადაწყვეტილება, რომელიც მათ ჩათვალეს. გადაიფურცლა ეს გვერდი, მივდივართ წინ“, - განაცხადა ნიკა მელიამ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
