2021-05-18 11:25:04, 436 ნახვა
საზოგადოება
„ბორჯომის“ ქარხნის თანამშრომლები გაიფიცნენ
„ბორჯომის“ ქარხნის თანამშრომლები გაიფიცნენ. „ბორჯომის“ N1 და N2 ჩამოსასხმელი ქარხნების გაფიცული თანამშრომლები დილიდან აქციას მართავენ.
როგორც თანამშრომლები აცხადებენ, კომპანიასთან მოლაპარაკებები 21 დღის განმავლობაში გრძელდებოდა, თუმცა შეთანხმება ვერ შედგა, რის გამოც ქარხნის თანამშრომლებმა სამუშაოს შესრულებაზე უარი თქვეს.
კომპანიის გაფიცული თანამშრომლები ხელფასების მატებას, დასვენების დღეებსა და ზეგანაკვეთური სამუშაოს ანაზღაურებას ითხოვენ.
ამასთანავე, გაფიცული თანამშრომლები აცხადებენ, რომ კომპანიის მხრიდან მოხდა ხელფასების შემცირება, ინფლაციის მაჩვენებლის გათვალისწინებით მათი ხელფასები თითქმის 50%-ით შემცირდა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
