გიგი უგულავა ზუგდიდის გადამდგარ მერს - რაც არ გერგება, არ შეგერგება

2021-05-17 13:57:37, 978 ნახვა

პოლიტიკა

ოპოზიციონერი გიგი უგულავა ზუგდიდის მერის, გიორგი შენგელიას მიერ თანამდებობის დატოვებას სოციალურ ქსელში ეხმაურება.

„ბევრი წვალების, სიყალბის, ძალადობის, ადამიანებე თავზე გადავლის და დანაშაულის შედეგად არჩეული ზუგდიდის მერი გიორგი შენგელია გადამდგარა. ის ისედაც რიგგარეშე არჩევნებზე შეირჩა, როცა სანდრა რულოვსი "დაამარცხა". გადადგა, როცა ვადა ისედაც 4 თვეში ეწურებოდა. ჩემი დაკვირვებით ოცნების ზუგდიდის ამალაში ის კიდევ ბევრს სჯობდა. ასეთ პოლიტიკურ ვითარებაში ვერ ვიმუშავებო- გვამცნო მან. არადა სხვების დევნაზე არასდროს ხმა არ ამოუღია. როგორც სჩანს ოცნებამ სრული ჯოჯოხეთი მოაწყო პარტიის შიგნით. შენგელიას კი ერთს ვეტყოდი - რაც არ გერგება არ შეგერგება“, - წერს გიგი უგულავა.

შეგახსენებთ, რომ ზუგდიდის მერმა, გიორგი შენგელიამ თანამდებობის დატოვების შესახებ დღეს განაცხადა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან