მიხეილ სააკაშვილი - მე მაქვს გასაგიჟებელი მხარდაჭერა, ნავალნის გმირად ვთვლი, მაგრამ რუსეთში ასეთი მხარდაჭერა არ არის

2021-05-04 14:07:25, 667 ნახვა

პოლიტიკა

რუსეთისგან განსხვავებით, ქართველი ხალხი საკმაოდ მობილიზებულია, მე მაქვს გასაგიჟებელი მხარდაჭერა, - ასე უპასუხა საქართველოს მესამე პრეზიდენტმა ჟურნალისტის შეკითხვას, შესაძლოა თუ არა, რომ მას საქართველოს ხელისუფლება მოექცეს ისე, როგორც მოექცა რუსეთი ალექსეი ნავალნის.

როგორც მიხეილ სააკაშვილმა „დოიჩე ველეს“ რუსულ რედაქციასთან ინტერვიუში განაცხადა, მისთვის ალექსეი ნავალნი გმირობის სიმბოლოა და საჭიროა მისი მხარდაჭერა.

„რუსეთისგან განსხვავებით, ქართველი ხალხი საკმაოდ მობილიზებულია, მე მაქვს გასაგიჟებელი მხარდაჭერა. ნავალნის მე რეალურად გმირად ვთვლი, ჯერ ასეთი მხარდაჭერა რუსეთში არ არის, მაგრამ დროთა განმავლობაში მოვა, თუ ის გადარჩება. საერთო ჯამში, ალექსეი ნავალნი ჩემთვის გმირობის სიმბოლოა და ასეთი ხალხი ცოტაა, საჭიროა მათი მხარდაჭერა“, - განაცხადა მიხეილ სააკაშვილმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან