ეს არის დემოკრატიის გზაზე კიდევ ერთი უკან გადადგმული ნაბიჯი, - ასე ეხმაურება „სტრატეგია აღმაშენებელის“ წევრი, სერგო ჩიხლაძე „ქართული ოცნების“ მიერ ადმინისტრაციულ სამართალდარღვევათა კოდექსში შეტანილ ცვლილებებს.

მისი თქმით, მმართველი გუნდი რუსეთისა და ბელორუსიისკენ მიმავალ გზას ადგას და ევროატლანტიკურ სტრუქტურებთან ინტეგრაცია არ აინტერესებს.

„ეს გადაწყვეტილება კიდევ ერთხელ ადასტურებს, რომ მათ არ აინტერესებთ ევროკავშირთან და ევროატლანტიკურ სტრუქტურებთან დაახლოება. ფაქტია, რომ ისინი ადგანან გზას რუსეთისკენ, ბელორუსისკენ და თურქმენეთისკენ. ეს არის დემოკრატიის გზაზე კიდევ ერთი უკან გადადგმული ნაბიჯი. ამას ეხმაურება აშშ-ის საელჩოც და კიდევ ერთხელ ამბობს, რომ ეს არ არის დემოკრატიული ნაბიჯი. ისინი წუხილს გამოხატავენ და პირდაპირ წერენ, რომ „ქართულმა ოცნებამ“ მიიღო არასწორი გადაწყვეტილება. ოპოზიციის პარლამენტში შესვლა არ შესვლით, სამწუხაროდ, ეს საკითხი არ წყდება, რადგან ეს ცვლილებები უბრალო უმრავლესობით მიიღო „ქართულმა ოცნებამ“, - განაცხადა სერგო ჩიხლაძემ.

ცნობისთვის, გუშინ, საქართველოში აშშ-ის საელჩომ განცხადება გაავრცელა და აღნიშნა, რომ იმედგაცრუებულია მმართველი პარტიის მიერ ადმინისტრაციულ კოდექსში ცვლილებების ნაჩქარევად მიღების გამო.

შეგახსენებთ, რომ პარლამენტმა გუშინ 72 ხმით მიიღო კანონპროექტი, რომელიც წვრილმან ხულიგნობასა და სამართალდამცველთა დაუმორჩილებლობაზე ადმინისტრაციული პატიმრობის გამკაცრების შესახებ ცვლილებებს ითვალისწინებს.

ავტორი: ექსპრესნიუსი,

სოციალური ქსელები

18 საერთაშორისო ორგანიზაცია კობახიძეს მოუწოდებს, დაუყოვნებლივ გაიწვიონ კანონპროექტი და დაიცვან ჟურნალისტების უსაფრთხოება

კობახიძე - კანონის გაუქმებას ითხოვენ, რადგან არავის სიამოვნებს გამჭვირვალობა, ეს გასაგებია, თუმცა ჩვენთვის მისაღები ვერ იქნება

შსს - ერთ-ერთი დაკავებული ამბობს, რომ მელიასგან, ელისაშვილისგან, გვარამიასგან, ვაშაძისგან, ჯაფარიძისგან 1 200 ლარი მიიღო

კალაძე - საჭიროა შევიარაღდეთ სიმართლით და გავაანალიზოთ მიმდინარე პროცესები, რადგან ეს ყველა ჩვენგანის ვალია ქვეყნის წინაშე