2021-04-22 23:13:03, 781 ნახვა
კომენტარი
ნატო-ს გენერალური მდივანი საქართველოში პოლიტიკურ ძალებს შორის მიღწეულ შეთანხმებას მიესალმება
ნატო-ს გენერალური მდივანი, იენს სტოლტენბერგი სალომე ზურაბიშვილთან სატელეფონო საუბარს სოციალურ ქსელში ეხმაურება.
როგორც სტოლტენბერგმა აღნიშნა, საქართველოში პოლიტიკურ ძალებს შორის მიღწეული შეთანხმება მისასალმებელია.
„კარგი სატელეფონო საუბარი მქონდა პრეზიდენტ სალომე ზურაბიშვილთან. მივესალმე საქართველოში პოლიტიკურ ძალებს შორის მიღწეულ შეთანხმებას.
ჩვენ განვიხილეთ შავი ზღვის რეგიონის უსაფრთხოება და ჩვენი საერთო შეშფოთება რუსეთის სამხედრო ძალების გაზრდის შესახებ.
მას მადლობა გადავუხადე ავღანეთში ჩვენი მისიის ერთგულებისთვის“, - წერს იენს სტოლტენბერგი.
ავტორი: ექსპრესნიუსი,
epn.ge (@expressnews.ge)
