ეს შეთანხმება არის მნიშვნელოვანი ნაბიჯი პოლიტიკური ჩიხიდან გამოსასვლელად, რომელიც გზას უხსნის რეფორმებს, - ამის შესახებ ნატო-ს საპარლამენტო ასამბლეის პრეზიდენტი, ჯერალდ კონოლი აცხადებს და საქართველოში პოლიტიკურ პარტიებს შორის შეთანხმების ხელმოწერას ეხმაურება.

ამასთანავე, კონოლი მოუწოდებს პარლამენტის დარჩენილ წევრებს, რომლებმაც ხელი არ მოაწერეს შეთანხმება, რომ შევიდნენ სრულად ფუნქციურ პარლამენტში და აიღონ მუშაობის ვალდებულება.

„ეს შეთანხმება მნიშვნელოვანი ნაბიჯია პოლიტიკური ჩიხიდან გამოსასვლელად, რომელიც გზას უხსნის კრიტიკულ რეფორმებს. ეს არის პოზიტიური წინ გადადგმული ნაბიჯი და მნიშვნელოვანი ეტაპი დემოკრატიის ოჯახში საქართველოს როლის აღდგენისთვის. მივესალმები ხელისუფლებიდან და ოპოზიციიდან ყველა ხელმომწერს იმისთვის, რომ მზად არიან, განსაზღვრონ საქართველოს ერთიანი კურსი, ევროატლანტიკური ინტეგრაციისკენ სწრაფვისას. კომპრომისი, რომელიც იშვიათად თუ არის მარტივი, არის მთავარი მახასიათებელი, რაც განასხვავებს დემოკრატიას. წინ არის მნიშვნელოვანი სამუშაო - შეთანხმების შესრულება სრულად და პირნათლად.

სანამ საქართველო დემოკრატიულ ინსტიტუტებს აძლიერებს, რათა უპასუხოს პოლიტიკურ პოლარიზაციას, საზღვრებს გარეთ მეგობრები და მოკავშირეები აკვირდებიან მას. ჩვენ მოვუწოდებთ პარლამენტში დარჩენილ წევრებსა და პარტიებს, ხელი მოაწერონ ამ მნიშვნელოვან დოკუმენტს და სრულად ფუნქციურ პარლამენტში მუშაობის ვალდებულება აიღონ. ასევ ვიმეორებ ჩემს მოწოდებას მმართველი პარტიის მიმართ, აჩვენონ ერთგულება ოპოზიციის უფლებების დაცვის კუთხით. ქართველი ხალხი იმსახურებს სტაბილურ მთავრობას, რომელიც გაერთიანებულია დემოკრატიული პრინციპების ერთგულების გარშემო“, - აღნიშნულია განცხადებაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა