„ბრალდებებს არც დღეს და არც არასდროს არ ვუპასუხებ, ჩემი სურვილია, რომ ოპოზიციის სრული შემადგენლობა იყოს აქ“, - ამის შესახებ „ერთიანი ნაციონალური მოძრაობის“ ლიდერმა სალომე სამადაშვილმა განაცხადა.

მან ასევე აღნიშნა, რომ ნიკა მელიასა და გიორგი რურუას ციხიდან გამოსვლის შემდეგ, აუცილებელია დაიწყოს ცვლილებების განხორციელება და გაიხსნას გზა.

„მინდა გამოვხატო გულდაწყვეტა იმასთან დაკავშირებით, რომ შეთანხმება არ აქვს დღეს ყველა ოპოზიციის წარმომადგენლის ხელმოწერა.

ჩემი სურვილი იქნებოდა, რომ აქ შევკრებილიყავით სრული შემადგენლობით ოპოზიციონერები. ამავე დროს, მე მინდა ავუხსნა საზოგადოებას რომ მათ შორის დღევანდელი შეხვედრა მიშელთან ემსახურება იმას, რომ ჩვენ კიდევ ერთხელ გავიაროთ შეთანხმების ყველა ის პუნქტი, რომელიც ქვეყნის ევროპული კურსის უზრუნველყოფისა და ქვეყნის კრიზისიდან გამოყვანისთვის აუცილებელი.

იმედი მაქვს, რომ ორივე პოლიტპატიმარს ვიხილავთ თავისუფლებაზე, ამის შემდეგ მე მაქვს იმედი, რომ გაიხსნება გზა, რომ ოპოზიცია სრული შემადგენლობით იყოს წარმოდგენილი აქ პარლამენტში და ცვლილებების განხორციელება დავიწყოთ. არც დღეს და არც არასდროს არ ვუპასუხებ ბრალდებას“,-განაცხადა სალომე სამადაშვილმა.

ავტორი: ექსპრესნიუსი,

სოციალური ქსელები

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა

არაბთა გაერთიანებულ საამიროებში საჰაერო მიმოსვლაზე დაწესებული ყველა შეზღუდვა მოხსნეს

ზელენსკი: გუშინ ბელარუსის მხრიდან საზღვარზე საკმაოდ უჩვეულო აქტივობა შეინიშნებოდა, საჭიროების შემთხვევაში, რეაგირებას მოვახდენთ