19:24 - 29 Mar, 2024
რეკლამა/ხელმოწერა
2021-04-20 17:09:24, 510 ნახვა

პოლიტიკა
შარლ მიშელი - პოლიტიკური კრიზისი დასასრულს მიუახლოვდა და პოლიტიკური ჩართულობა უკვე გახდა მდგრადი

პოლიტიკური კრიზისი დასასრულს მიუახლოვდა და პოლიტიკური ჩართულობა უკვე გახდა მდგრადი, - ამის შესახებ ევროპული საბჭოს პრეზიდენტმა, შარლ მიშელმა ორბელიანების სასახლეში საქართველოს პრეზიდენტთან შეხვედრის დასრულების შემდეგ განაცხადა.

როგორც მან აღნიშნა, ახალი დასაწყისის ეტაპზე საქართველომ ევროკავშირის ინტეგრაციის კუთხით ბევრი უნდა იშრომოს.

„დღეს გახლავთ დღე, როდესაც პოლიტიკურმა ლიდერებმა ხელი მოაწერეს შეთანხმებას, რომელიც ძალიან დიდი მიღწევაა. პოლიტიკური კრიზისი დასასრულს მიუახლოვდა და პოლიტიკური ჩართულობა უკვე გახდა მდგრადი. დღეს გახლავთ ახალი დასაწყისის ეტაპი, რომელიც საჭიროებს ძალიან ბევრ შრომას და რომელიც საქართველომ უნდა გავლოს ევროკავშირის ინტეგრაციის კუთხით. ქართველმა ლიდერებმა დღეს მიაღწიეს ამ შეთანხმებას და ეს მიღწევა თქვენ გეკუთვნით. მე კარგად ვიცი, რაოდენ დიდი ძალისხმევაა ჩადებული ამ მიმართულებით და რას მოითხოვს ეს მომავალში. მე კარგად ვიცი, რომ ეს არ გახლდათ ადვილი პროცესი. ახლა უკვე ვიცით, რომ გამოწვევები შედარებით მარტივი სამართავია და ადამიანები ელოდნენ ამ შედეგს“, - განაცხადა შარლ მიშელმა.

მისი თქმით, უფრო მეტი საქმე იწყება დღეს და ეს შეთანხმება კარგ საფუძველს უქმნის სამომავლო რეფორმებს.

„ეს უკავშირდება საარჩევნო და სამართლებრივ რეფორმას. ჩვენთვის ძალიან დიდი მნიშვნელობა გააჩნია ევროკავშირი-საქართველოს მჭიდრო თანამშრომლობას და ეს ჩვენი პრიორიტეტი გახლავთ. რასაკვირველია, საქართველო ძალიან ბევრს იშრომებს იმისთვის, რომ განახორციელოს როგორც საარჩევნო, ასევე სამართლებრივი რეფორმები. ეს სასიკეთო შედეგებს მოიტანს საქართველოს მოქალაქეებისათვის. დარწმუნებული ვარ, რომ პარლამენტში თანაბარი ძალები იქნება წარმოდგენილი და ეს იქნება საფუძველი მდგრადი ფუნქციონირებისა პარლამენტის. ეს იქნება წინაპირობა იმისა, რომ იქნება ინკლუზიური ჩართულობა გადაწყვეტილების მიღებაში. ჩვენ სრულ მზაობას გამოვხატავთ თანამშრომლობისთვის და მეგობრობისთვის. ევროკავშირი გახლავთ საქართველოს უდიდესი დონორი. 200-ზე მეტი პროექტი არსებობს, რომლის ბიუჯეტიც 500 მილიონზე მეტი დოლარი გახლავთ“, - აღნიშნა შარლ მიშელმა.




ავტორი: ექსპრესნიუსი,


სოციალური ქსელები
შუახევის მერი შუბნის საჯარო სკოლაში ღვაწლმოსილი პედაგოგის, ოთარ ფუტკარაძის 70 წლისადმი მიძღვნილ საიუბილეო საღამოს დაესწრო
ბერბოკი - კანცლერს არ ეშინია პუტინის - დროა, შეწყდეს დისკუსიები Taurus-ების უკრაინისთვის გადაცემაზე
პრეზიდენტი - ჩემი მოწოდებაა, ყველამ ერთად დავიწყოთ მუშაობა, რათა დიასპორას საარჩევნო უფლება მივცეთ
ე.წ. კანონიერმა ქურდმა, შაქრო კალაშოვმა საპატიმრო დატოვა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics