2021-04-18 20:39:08, 848 ნახვა

---

შარლ მიშელის წინადადებით, ვადამდელი არჩევნები დაინიშნება, თუ ადგილობრივ არჩევნებში „ქართული ოცნება“ ხმების 43%-ზე ნაკლებს მიიღებს

შარლ მიშელის წინადადებით, ვადამდელი არჩევნები დაინიშნება იმ შემთხვევაში, თუ ადგილობრივ არჩევნებში „ქართული ოცნება“ ხმების 43 %-ზე ნაკლებს მიიღებს.

აღნიშნული ინფორმაცია ევროკავშირმა საკუთარ "ტვიტერის" გვერდზე გამოაქვეყნა.

„2021 წლის 16 აპრილს, „ქართული ოცნების“ შემოთავაზებაზე დაყრდნობით, 2022 წელს ვადამდელი არჩევნები უნდა ჩაინიშნოს იმ შემთხვევაში, თუ „ქართული ოცნება“ 2021 წლის ადგილობრივ არჩევნებზე ვალიდური პროპორციული ხმების 43%-ზე ნაკლებს მიიღებს“, - ნათქვამია მედიატორ მიშელის წინადადებათა ახალ პაკეტში.

შეგახსენებთ, რომ ახალი პაკეტი ხელისუფლებასა და ოპოზიციას დღეს გადაეცა, შეხვედრაზე კი "ქართული ოცნების" წარმომადგენლები არ მივიდნენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი