2021-04-18 19:35:57, 560 ნახვა

---

სალომე სამადაშვილი - პოლიტპატიმრების გათავისუფლება და ვადამდელი არჩევნები გადამწყვეტი საკითხებია | ველოდებით განახლებულ დოკუმეტს

პარტია „ერთიანი ნაციონალური მოძრაობის“ ერთ-ერთმა ლიდერმა სალომე სამადაშვილმა “ქართული ოცნების“ წარმომადგენლებთან მოლაპარაკებების დაწყების წინ განაცხადა, რომ გადამწყვეტი საკითხი მათთვის პოლიტპატიმრების გათავისუფლება და შეთანხმების დოკუმენტში ვადამდელი არჩევნების ასახვაა.

მისივე თქმით, ისინი მოლაპარაკებებზე სწორედ ამ ორი პუნქტის განხილვას აპირებენ და ელოდებიან განახლებულ დოკუმენტს.

“იმ დოკუმენტიდან, რომელიც უკანასკნელი მოლაპარაკებების დროს იყო, ორი პუნქტი მისაღები არ არის. ეს არის პოლიტიკური პატიმრების გათავისუფლებასთან და ვადამდელ არჩევნებთან დაკავშირებული თემა. ამიტომ ველოდებით, რა იქნება განახლებული მოლაპარაკებების დოკუმენტი“, - განაცხადა სალომე სამადაშვილმა.

შეგახსენებთ, რომ ამ დროისთვის ევროკავშირის ოფისში მმართველ გუნდსა და ოპოზიციას შორის კარლ ჰარცელისა და კელი დეგნანის მედიატორობით შეხვედრა იწყება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი