„საქართველოს ბანკზე“ თავდასხმისთვის დაკავებულ ნიკოლოზ წურწუმიას ბრალს ოფიციალურად დღეს წარუდგენენ.

როგორც დაკავებულის უფლებადამცველი აცხადებს, წურწუმია ამ დრომდე დუმილის უფლებას იყენებს.

„ბრალის წარდგენა სავარაუდოდ, მოხდება დღის მეორე ნახევარში. არ მგონია საქმის მასალები იყოს იმდენად მოცულობადი, რომ რაიმე დამატებით ღონისძიებებს საჭიროებდეს. რაც შეეხება ნიკოლოზ წურწუმიას, ამასთან დფაკავშირებით ახლა შევდივარ წინასწარი დაკავების იზოლატორში, რომ მოვინახულო ბრალდებული და გავესაუბრო. უკვე იქნება დამშვიდებული და ბევრ საკითხთან დაკავშირებით ექნებოდა ფიქრის საშუალება. მას „საქართველოს ბანკში“ მყოფი პირების მიმართ მოთხოვნები არ ჰქონია. მისი განზრახვა ვინმეს დაყაჩაღება არ ყოფილა“, - განაცხადა გიორგი ბარდაველიძემ.

ცნობისთვის, ავლაბრის მეტროსთან მდებარე „საქართველოს ბანკის“ ფილიალში გუშინ შეიარაღებული პირი, ნიკოლოზ წურწუმია შეიჭრა. შსს-ს ინფორმაციით,  მას მძევლად 7 პირი ჰყავდა აყვანილი. თავდამსხმელი მძევლად ხელში ჩაგდების და ცეცხლსასროლი იარაღის მართლსაწინააღმდეგო შენახვა-ტარების ბრალდებით რამდენიმე საათში დააკავეს.

ავტორი: ექსპრესნიუსი,

სოციალური ქსელები

დონალდ ტრამპი ანკარაში ჩავიდა

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს

დეპარტამენტი: ავტობანის ლანჩხუთი-ლესას მონაკვეთი 9 ივლისამდე ჩაიკეტება

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს