ევროპარლამენტარი ვიოლა ფონ კრამონი აცხადებს, რომ „ქართულმა ოცნებამ“ ევროსაბჭოს პრეზიდენტის პირადი წარმომადგენლის, კრისტიან დანიელსონის მიერ შეთავაზებულ დოკუმენტზე ხელმოწერით, სწორი მიმართულებით, სწორი ნაბიჯი გადადგა.

ვიოლა ფონ კრამონი სოციალურ ქსელში წერს, რომ საქართველოს გულისთვის, ოპოზიციამ ასევე უნდა მიბაძოს მმართველი გუნდის მაგალითს და მოაწეროს ხელი დოკუმენტს.

„კარგია, რომ ვხედავთ „ქართული ოცნების“ მზადყოფნას კომპრომისისთვის. ეს არის სწორი მიმართულებით გადადგმული სწორი ნაბიჯი. საქართველოს გულისთვის, ოპოზიციამ ასევე უნდა მიბაძოს მმართველი გუნდის მაგალითს. ამასობაში,კიდევ რჩება ბევრი დეტალი, რომელიც არის შესამუშავებელი. ევროკავშირი კვლავ არის მზად, რომ დაეხმაროს საქართველოს ამაში", - წერს ვიოლა ფონ კრამონი.

შეგახსენებთ, რომ დღეს საქართველოს პარლამენტის თავმჯდომარე არჩილ თალაკვაძემ განაცხადა, რომ მმართველი გუნდი მზად არის მოაწეროს ხელი, ევროპული საბჭოს პრეზიდენტის, შარლ მიშელის პირადი წარმომადგენლის, კრისტიან დანიელსონის მიერ ოპოზიციისთვისა და მმართველი გუნდისთვის შეთავაზებულ დოკუმენტს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა