2021-04-08 15:33:30, 508 ნახვა

---

მეგი ბაქრაძის გარდაცვალების საქმეზე ბრალდებული ექთნის დედა აცხადებს, რომ მის შვილს ცრუ ჩვენების მიცემა სავარაუდოდ, უფროსებმა დაავალეს

მეგი ბაქრაძის გარდაცვალების საქმეზე ბრალდებული ექთნის, თეა გზირიშვილის დედა აცხადებს, რომ მის შვილს ცრუ ჩვენების მიცემა სავარაუდოდ, უფროსებმა დაავალეს.

როგორც ის აღნიშნავს, თეა გზირიშვილი კლინიკაში სხვა მიმართულებით მუშაობდა და იმუნიზაციის პროცესში მოულოდნელად  ჩართეს.

„შეიძლება, დაავალეს უფროსებმა ასე თქვიო, თორემ ჩემმა შვილმა ნემსი გაუკეთა ნორმალურად, ხელები დაიბანა. ექიმის გასინჯული ექთანი შემოვიდა და აცრა გაუკეთა. თვითონაც გაიკეთა. შეცდომა არ დაუშვია ჩემს შვილს. ალბათ, უფროსებმა დაავალეს ასეო თქვი და იმანაც თქვა. რაშია ჩემი შვილი დამნაშავე, უფროსები არიან დამნაშავეები, ჩემი შვილი პროცედურის ექთანი იყო ბავშვთაში, რა უფლება ჰქონდათ, კიდევ სადმე დაენიშნათ? მოემზადებინათ სხვა ექთანი, ტრეინინგები, თუ რა სიკვდილია, ჩაეტარებინათ და გაეშვათ ის“, - განაცხადა მაყვალა გზირიშვილმა.

ცნობისთვის, პროკურატურამ მეგი ბაქრაძის გარდაცვალების საქმეზე ცრუ ინფორმაციის მიწოდებისთვის ორ ექიმსა და ექთანს ბრალი წარუდგინა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი