ევროპარლამენტარების განცხადებაში იყო ფრაზა, რომ საქართველოსა და ევროკავშირის მომავალი სასწორზეა, - ამის შესახებ „ნაციონალური მოძრაობის“ წევრმა, ხატია დეკანოიძემ ოპოზიციის წარმომადგენლების შეხვედრის დარწყებამდე, ჟურნალისტებს განუცხადა.

როგორც მან აღნიშნა, იმისთვის, რომ საქართველოს დეკლარირებული საგარეო პოლიტიკური კურსი არ შემობრუნდეს რუსეთის ორბიტაზე, აუცილებელია პოლიტპატიმრების გათავისუფლება და ვადამდელი არჩევნები.

„ჩვენ, რა თქმა უნდა, ვაგრძელებთ საერთაშორისო პარტნიორებთან ურთიერთობას. ევროპარლამენტარების ბოლო განცხადება ჩემთვის ნამდვილად საგანგაშო იყო. იქ იყო ფრაზა, რომელიც გულისხმობს, რომ საქართველოს და ევროკავშირის მომავალი სასწორზეა. იმისთვის, რომ საქართველოს დეკლარირებული საგარეო პოლიტიკური კურსი არ გასცდეს და არ შემობრუნდეს ისევ რუსეთის ორბიტაზე, აუცილებელია, შეწყდეს პოლიტიკური მართლმსაჯულება, გათავისუფლდნენ პოლიტიკური პატიმრები, ვადამდელ არჩევნებზე მივაღწიოთ ჩარჩო შეთანხმებას და ის დოკუმენტი, რომელიც შარლ მიშელმა დატოვა, იყოს პოლიტიკური კრიზისის განმუხტვის ერთ-ერთი მნიშვნელოვანი გზა“, - განაცხადა ხატია დეკანოიძემ.

შეგახსენებთ, რომ ოპოზიციის წარმომადგენლები „ლეიბორისტული პარტიის“ ოფისში შეხვედრას მართავენ. როგორც ცნობილია, შეხვედრაზე საუბარი შეეხება ოპოზიციის მიერ 15 მაისს დაგეგმილ საპროტესტო აქციასა და ჩაშლილ მოლაპარაკებებს.

ავტორი: ექსპრესნიუსი,

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა