კრისტიან დანიელსონს, „ქართულ ოცნებასა“ და ოპოზიციას  შორის შეხვედრა თითქმის 5 საათზე მეტია მიმდინარებს.

გავრცელებული ინფორმაციით, კრისტიან დანიელსონმა მხარეებს დოკუმენტი წარუდგინა, სადაც აღნიშნულია, რომ ნიკა მელიას გირაოს გადახდას ევროკავშირი საკუთარ თავზე იღებს, მისი გათავისუფლების სანაცვლოდ.

დოკუმენტის თანახმად გათავისუფლდება გიორგი რურუაც, რომელიც საპატიმროს ელექტრონული სამაჯურით დატოვებს.

გთავაზობთ, გავრცელებული ინფორმაციით, კრისტიან დანიელსონის მიერ წარდგენილი დოკუმენტის საკითხებს:

1. ევროკავშირი მზადაა, ერთ-ერთი ფონდის გავლით გადაიხადოს „ნაციონალური მოძრაობის“ თავმჯდომარის, ნიკა მელიას გირაო.
2. გიორგი რურუამ საპატიმრო დატოვოს ე.წ. „უდოს“ მექანიზმით, ელექტრონული სამაჯურით, ნოემბერში.
3. გამოიცეს ამნისტია, რომელიც შეეხება ოცი ივნისის საქმის მონაწილეებს – როგორც აქტივისტებს, ისე სამართალდამცავებს.
4. ოპოზიციამ უხელმძღვანელოს 5 კომიტეტს პარლამენტში, მათ შორის, საბიუჯეტოსა და ადამიანის უფლებების.
5. შეჩერდეს მოსამართლეების დანიშვნის პროცესი.
6. პარტიების დაფინანსების საკითხზე მოხდეს ვენეციის კომისიის რეკომენდაციების გათვალისწინება.
7. გენერალური პროკურორი დაინიშნოს პარლამენტის სრული შემადგენლობის ორი მესამედის მხარდაჭერით.
8. ცესკოს თავმჯდომარე და შემადგენლობა დაინიშნოს ასევე ორი მესამედის მხარდაჭერით და მისი მოადგილე იყოს  ოპოზიციის წარმომადგენელი.

ავტორი: ექსპრესნიუსი,

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა