გარდაცვლილი ექთნის, მეგი ბაქრაძის ოჯახი საგამოძიებო მოქმედებების ჩატარებას ითხოვს, - ამის შესახებ ოჯახის ადვოკატმა, ვახტანგ ბარამაშვილმა განაცხადა.

როგორც მან აღნიშნა, ახალციხის კლინიკაში მედიკოსების გამოკითხვისა და ექთნის სამედიცინო ისტორიის გამოთხოვის შუამდგომლობით, პროკურატურას დღეს მიმართავენ.

„გადმოგვეცა გარკვეული საგამოძიებო დოკუმენტაცია. ამ დროისთვის გვაქვს თბილისის პირველი საუნივერსიტეტო კლინიკიდან პაციენტის სამედიცინო ისტორია და გვაქვს რამდენიმე გამოკითხვის ოქმიც. პირველ რიგში, გამოძიება ჩასატარებელი არის ახალციხეში. დღეს შუამდგომლობებით მივმართავთ  პროკურატურას და ვთხოვთ, გარკვეული მოწმეების გამოკითხვას; ვთხოვთ, სისხლის ნიმუშების გადმოცემას, რომ ამ ნიმუშებზე ჩავატაროთ ექსპერტიზა.

ოჯახს აინტერესებს სრული სურათის დანახვა. აქ უნდა გამოვლინდეს ყველა ის დარღვევა, რამაც საბოლოო ჯამში ფატალური შედეგი გამოიწვია. ოჯახს აინტერესებს საერთოდ უნდა გაკეთებულიყო თუ არა ვაქცინა და შესაბამისად, რამდენად სწორად იყო შესწავლილი ანამნეზი. ოჯახს აინტერესებს ვაქცინაციის შემდგომ უარყოფითი ეფექტი რამდენად სწორად იქნა ნამართი და რამდენად დროულად მოხდა რეაგირება“, - განაცხადა ვახტანგ ბარამაშვილმა.

შეგახსენებთ, რომ ახალციხელი ექთანი მეგი ბაქრაძე „ასტრაზენეკას“ ვაქცინით აცრის შემდეგ, სავარაუდოდ, ანაფილაქსიური შოკის შედეგად გარდაიცვალა

ავტორი: ექსპრესნიუსი,

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს