ამირან გამყრელიძე არ გამორიცხავს, რომ ე.წ კომენდატის საათი მარტის ბოლოს მოიხსნას

2021-03-15 11:07:44, 585 ნახვა

საზოგადოება

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, არ არის გამორიცხული, რომ გადაადგილებაზე დაწესებული შეზღუდვა, ე.წ კომენდატის საათი მარტის ბოლოსთვის მოიხსნას.

მისივე თქმით, ეპიდსტიცუაციის სტაბილიზაციის ფონზე, აღნიშნული შეზღუდვა შემსუბუქდება, თუმცა საკითხს საკოორდინაციო საბჭო განიხილავს.

„ყოველი შემსუბუქების შემდეგ 10 დღე ან 2 კვირა უნდა დავაკვირდეთ ეპიდსიტუაციას და შემდეგ ეტაპობრივად კიდევ სხვა შეზღუდვებიც მოიხსნება. დარწმუნებული ვარ, რასაც მეკითხებით, ისიც შემსუბუქდება, ოღონდ ეპიდსიტუაციის სტაბილიზაციის ფონზე. ყოველი შემსუბუქების შემდეგ, ვაკვირდებით ეპიდსიტუაციას და თუ ასეთი სტაბილური იქნა შემდგომ ეტაპზე, საკითხი იქნება განხილული, თვის ბოლოს შეგვიძლია ველოდოთ ამ გადაწყვეტილების მიღებას“, - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან