გია ვოლსკის განცხადებით, მოლაპარაკებები შესაძლებელია მაშინ, როდესაც არსებობს სურვილი და არ მიმდინარებს პოლიტიკური სპეკულაცია

2021-03-06 12:33:39, 601 ნახვა

პოლიტიკა

მოლაპარაკების რესურსი არსებობს მაშინ, როდესაც ამის სურვილია და არ მიმდინარეობს პოლიტიკური სპეკულაციები, - ამის შესახებ პარლამენტის ვიცე-სპიკერმა, გია ვოლსკიმ, ჟურნალისტებთან საუბრისას განაცხადა.

მისი თქმით, დიალოგისთვის აუცილებელია შუამავალი, კერძოდ, საერთაშორისო პარტიორებისა და მედიატორების ჩართულობა.

„მოლაპარაკების რესურსი შეიძლება არსებობდეს მაშინ, როდესაც ამის სურვილია და მხარეებს გააჩნიათ კონკრეტული წინადადებები და რომ არ მიმდინარეობს, პოლიტიკური სპეკულაციები მაშინ არის ამის შესაძლებლობა, თუ ეს მონაცემები გვაქვს სახეზე, მაშინ რა საკვირველია კვლავ შუამავალი, კვლავ მედიატორი არის აუცილებელი და საერთაშორისო პარტნიორების ჩართულობა. წინააღმდეგ შემთხვევაში, არ შეიძლება ჩვენ მივიდეთ მაგიდასთან და განვიხილოთ ულტიმატუმი“, - განაცხადა გია ვოლსკიმ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან