2021-02-28 13:29:00, 659 ნახვა
საზოგადოება
ქუთაისში „ნამახვანჰესის“ მშენებლობის წინააღმდეგ აქცია იმართება
ქუთაისსში დღეს "ნამახვანჰესის" მშენებლობის საწინააღმდეგო აქცია იმართება.
როგორც ცნობილია აქციის მონაწილეები ქალაქის ცენტრალურ მოედანზე არიან შეკრებილნი.
რიონის ხეობის მოსახლეობის პროტესტს მოქალაქეები სხვადასხვა რეგიონებიდან შეუერთდნენ. ისინი საგანგებოდ აქციისთვის ჩავიდნენ ქუთაისში და რიონის ხეობის მცველებს მხარდაჭერა გამოუცხადეს.
აქციის მონაწილეების მოთხოვნები უცვლელია. ისინი ხელისუფლებას თურქულ კომპანია „ენკასთან“ გაფორმებული ხელშეკრულების გაუქმებას, თავად თურქული კომპანიისგან კი რიონის ხეობიდან გასვლას ითხოვენ. ქუთაისის ცენტრალურ მოედანზე სამართალდამცველები არიან მობილიზებული.
შეგახსენებთ, რიონის ხეობის მოსახლეობა „ნამახვანჰესის“ წინააღმდეგ აქციას 126 დღეა, მართავს.
ავტორი: ექსპრესნიუსი,
epn.ge (@expressnews.ge)
