2021-02-24 17:06:51, 762 ნახვა

---

ევროპარლამენტარები - ერთადერთი გზა, რომლითაც საქართველო პოლიტიკური ჩიხიდან გამოვა, მხარეების უკან დახევა და დიალოგია

ევროპარლამენტის სამხრეთ კავკასიასთან ურთიერთობების დელეგაციის თავმჯდომარე მარინა კალიურანდი და ევროპარლამენტის მომხსენებელი საქართველოს საკითხზე სვენ მიქსერი საქართველოში მიმდინარე პოლიტიკურ მოვლენებს „ტვიტერზე“ ეხმაურებიან.

ევროპარლამენტარები ერთობლივი განცხადებით მოუწოდებენ ხელისუფლებასა და ოპოზიციას, გადადგან ნაბიჯები პოლიტიკური დაძაბულობის დეესკალაციისთვის და დაუბრუნდნენ მოლაპარაკებებს.

„მიუხედავად იმისა, რომ არ ვეთანხმებით ოპოზიციის ნაწილის არაკონსტრუქციულ და პროვოკაციულ ტაქტიკას, პროვოკაციებზე საპასუხოდ უდიდესი ოპოზიციური პარტიის ცენტრალურ ოფისში შეჭრა და მათი ლიდერის დაკავება სასარგებლო არ არის და კრიზისის დაძლევის გზას არ წარმოადგენს. ერთადერთი გზა, რომლითაც საქართველო პოლიტიკური ჩიხიდან ისე გამოვა, რომ ქვეყნის ევრო-ატლანტიკურ მისწრაფებებს საფრთხე არ შეექმნება, მხარეების უკან დახევაა. მათ თავი უნდა შეიკავონ რიტორიკისა და ისეთი ქმედებებისგან, რომელიც კიდევ უფრო გააღრმავებს პოლარიზაციას და კვლავ უნდა ჩაერთონ დიალოგში“, - აღნიშნულია ევროპარლამენტარების ერთობლივ განცხადებაში.

The only way Georgia???????? can resolve this political deadlock is for all the parties to refrain from further polarising rhetoric/action and re-engage in dialogue. pic.twitter.com/eIkb8W33fb

— Sven Mikser (@svenmikser) February 24, 2021

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი