2021-02-22 16:01:37, 380 ნახვა
პოლიტიკა
გიგა ბოკერიას განცხადებით, თუ ხელისუფლება ძალისმიერ მეთოდებზე წავა, თავს დაიღუპავს
„ევროპული საქართველოს“ ლიდერის, გიგა ბოკერიას განცხადებით, თუ ხელისუფლება ძალისმიერ მეთოდებზე წავა, თავს დაიღუპავს.
ბოკერია გამოეხმაურა პრემიერობის კანდიდატის ირაკლი ღარიბაშვილის განცხადებას ნიკა მელიას საქმესთან დაკავშირებით და აღნიშნა, რომ ღარიბაშვილი სიძულვილის ენით გამოირჩევა.
„ეს იგივე სიძულვილით სავსე გამონათქვამია, რაც რამდენიმე დღის წინაც თქვა ამ ადამიანმა. თუ ისინი ამ სულისკვეთებით იმოქმედებენ და ძალისმიერი მეთოდებზე წამოვლენ ამით ქვეყანას დააზიანებენ და თავს დაიღუპავენ. ეს იქნება მძიმე დარტყმა ქვეყნისთვის, მაგრამ ეს იქნება დაჩქარება ამ ხელისუფლების დასასრულის“, - განაცხადა გიგია ბოკერიამ.
შეგახსენებეთ, რომ ირაკლი ღარიბაშვილმა განაცხადა, რომ სჭირდება 100-დღიანი ვადა, რათა ოპოზიციას ჭკუა ასწავლოს.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
