თამარ გაბუნიას განცხადებით, „ფაიზერით“ ვაქცინაციისთვის, ქვეყნის მასშტაბით, 9 დაწესებულებაა შერჩეული

2021-02-09 12:35:49, 580 ნახვა

კომენტარი

ჯანდაცვის მინისტრის მოადგილე თამარ გაბუნია აცხადებს, რომ რეგულირების სააგენტოს მიერ შეფასებული 12 დაწესებულებიდან, 9 აკმაყოფილებს მოთხოვნებს რომელიც დადგენილია Pfizer-ით ვაქცინაციისთვის.

როგორც მინისტრის მოადგილემ აღნიშნა, მიზანია, რომ არსებობდეს 15-მდე დაწესებულება, რათა სწრაფად გაიშალოს ვაქცინაციის პროცესი.

„ბოლო პერიოდში დიდი ყურადღება ექცევა ვაქცინაციისთვის მზადებას. რეგულირების სააგენტომ 12 დაწესებულება შეაფასა და აქედან ცხრა აკმაყოფილებს იმ მოთხოვნებს, რომელიც დადგენილია „ფაიზერით“ ვაქცინაციისთვის. ამ კვირაში უკვე დაიწყება ტრენინგი ამ დაწესებულებებში. პროცესი გრძელდება, რადგან ჩვენი მიზანია, დაახლოებით 15-მდე დაწესებულება გვქონდეს იდენტიფიცირებული, რომ სწრაფად გაიშალოს ვაქცინაციის პროცესი, როგორც კი ვაქცინა ქვეყანაში შემოვა“, – განაცხადა გაბუნიამ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან