ევროპარლამენტის წევრი ვიოლა ფონ კრამონი აცხადებს, რომ ქვეყნის მომავლისთვის ახლა ყველაზე მნიშვნელოვანი ოპოზიციის მიერ მანდატების აღებაა. 

როგორც ევროპარლამენტარმა „რუსთავი 2“-თან ინტერვიუში აღნიშნა, 31 ოქტომბრის საპარლამენტი არჩევნებზე იყო დაფიქსირებული დარღვევები, თუმცა გაყალბების მასშტაბი შედეგებზე დიდ გავლენას ვერ მოახდენდა.

ვიოლა ფონ კრამონმა კვლავ მოუწოდა ოპოზიციას, რომ შევიდნენ პარლამენტში და დაიკავონ კუთვნილი ადგილები.

„მე რომ ამომრჩეველი ვყოფილიყავი საპარლამენტო არჩევნებში, მოველოდებოდი ჩემს წარმომადგენელს პარლამენტში. მნიშვნელობა არ აქვს - ის უმრავლესობას დაიკავებდა, თუ ოპოზიციაში იქნებოდა. მე მექნებოდა სურვილი, რომ ჩემი არჩევანი პარლამენტში მენახა. დიახ, იყო საარჩევნო კოდექსის დარღვევა, იყო გაყალბებაც, მაგრამ არა იმდენად მნიშვნელოვანი, რომ შედეგებზე დიდი გავლენა მოეხდინა. ამას ადასტურებენ განსხვავებული არასამთავრობო და საარჩევნო ორგანიზაციებიც. ამიტომ მოვუწოდებ პოლიტიკურ პარტიებს შევიდნენ პარლამენტში და დაიკავონ კუთვნილი ადგილები“, - განაცხადა ევროპარლამენტარმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა