2021-02-03 14:17:02, 614 ნახვა
პოლიტიკა
გია ვოლსკი - მოლაპარაკებას კარი ღია უნდა დავუტოვოთ
ვფიქრობ, მოლაპარაკებას კვლავ უნდა დავუტოვოთ კარი ღია, - ამის შესახებ პარლამენტის პირველმა ვიცე-სპიკერმა, გია ვოლსკიმ მმართველ გუნდსა და ოპოზიციას შორის მოლაპარაკებების საკითხთან დაკავშირებით განაცხადა.
როგორც მან აღნიშნა, საზოგადოებას დიდი ინტერესი აქვს, რომ პოლიტიკურ პარტიებს შორის კამათი პარლამენტის ფორმატში გაგრძელდეს.
„იმდენად დიდია საზოგადოების დაინტერესება იმით, რომ დესტაბილიზაციას არ ჰქონდეს ადგილი და კამათი პარლამენტის ფორმატში გრძელდებოდეს, იმდენად დიდია ინტერესი ჩვენი პოლიტიკური პარტნიორების, რომ მე ვფიქრობ, მოლაპარაკებას კვლავ უნდა დავუტოვოთ კარი ღია,“ - განაცხადა გია ვოლსკიმ.
ავტორი: ექსპრესნიუსი,
epn.ge (@expressnews.ge)
