2021-02-02 09:13:26, 436 ნახვა
პოლიტიკა
„ქართული ოცნების“ ოფისში უმრავლესობის სხდომა გაიმართება
„ქართული ოცნება - დემოკრატიული საქართველოს“ ცენტრალურ ოფისში დღეს უმრავლესობის სხდომა გაიმართება.
სხდომა 10:00 საათზეა ჩანიშნული.
საპარლამენტო უმრავლესობის წევრები ოპოზიციონერი დეპუტატებისთვის საპარლამენტო უფლებამოსილების შეწყვეტის საკითხს განიხილავენ.
აღნიშნულ საკითხზე პარტიამ გუშინ პოლიტსაბჭოს ფორმატში იმსჯელა. ფრაქცია „ქართული ოცნების“ თავმჯდომარის, მამუკა მდინარაძის განცხადებით, გადაწყვეტილება მას შემდეგ გახმოვანდება, რაც საპარლამენტო უმრავლესობა ან დაუჭერს მხარს ამ პროექტს ან საპირისპირო გადაწყვეტილებას მიიღებს.
შეგახსენებთ, რომ ოპოზიციონერი დეპუტატებისთვის უფლებამოსილების შეწყვეტის საკითხი დღეს პარლამენტში, საგაზაფხულო სესიის პირველ პლენარულ სხდომაზე კენჭისყრაზე დადგება.
ავტორი: ექსპრესნიუსი,
epn.ge (@expressnews.ge)
