ზურაბ ჯაფარიძე „გირჩზე“ - ლიბერტარიანული პარტია თხოვნით მიმართავს ბიძინას მარტიონეტებს, დაიკიდონ ჩემი თავისუფლება

2021-02-01 13:52:03, 518 ნახვა

პოლიტიკა

ლიბერტარიანული პურიტანიზმის მედროშე პარტია თხოვნით მიმართავს ბიძინას მარიონეტებს, დაიკიდონ ჩემი თავისუფლება, - ამის შესახებ პარტია "მეტი თავისუფლება გირჩის" დამფუძნებელი ზურაბ ჯაფარიძე სოციალურ ქსელში წერს და მისი ყოფილი თანაპარტიელების განცხადებას ეხმაურება.

"ვააუ, ლიბერტარიანული პურიტანიზმის მედროშე პარტია თხოვნით (არა წინადადებით, არა ინიციატივით, თხოვნით!) მიმართავს ბიძინას მარიონეტებს, დაიკიდონ ჩემი თავისუფლება (!) და ჩემი ნების საწინააღმდეგოდ უარი მითხრან მანდატის გაუქმების მოთხოვნაზე. რა დროს ჩემი თავისუფლებაა, "ქართული პარლამენტარიზმია" გადასარჩენი. სადმე სსიპ-შიც დაასაქმებინეთ ჩემი თავი
მართლა რა არის ეს თვითგადარჩენის ინსტინქტის მოქმედების მექანიზმი, მისი სტრუქტურა", - აცხადებს ჯაფარიძე.

შეგახსენებთ, რომ დღეს პარტია "გირჩმა" გაავრცელა განცხადება, სადაც მოუწოდებს "ქართულ ოცნებას", რომ მხარი არ დაუჭიროს კოლეგებისთვის უფლებამოსილების შეწყვეტის საკითხს. "გირჩში" აცხადებენ, რომ იმ დროს, როდესაც ფასილიტატორი ელჩების შუამავლობით ჯერ კიდევ მიმდინარეობს მოლაპარაკებები, აღნიშნული გადაწყვეტილება, კერძოდ, კოლეგებისთვის უფლებამოსილების შეწყვეტა, დიალოგს აზრს დაუკარგავს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან