2021-01-22 09:19:48, 565 ნახვა
პოლიტიკა
სალომე ზურაბიშვილი დღეს ნატოს გენერალურ მდივანს შეხვდება
საქართველოს პრეზიდენტი სალომე ზურაბიშვილი დღეს, ნატო-ს გენერალურ მდივანს, იენს სტოლტენბერგს შეხვდება.
შეხვედრის შემდეგ მედიისათვის ერთობლივი განცხადებები გაკეთდება.
დღესვე ზურაბიშვილი იუსტიციის საკითხებში ევროკომისარ დიდიე რეინდერსსაც შეხვდება. ამასთან, პრეზიდენტი ნატო-საქართველოს კომისიის სხდომასაც დაესწრება.
შეგახსენებთ, რომ პრეზიდენტი უკვე შეხვდა ევროპული საბჭოს პრეზიდენტს, შარლ მიშელს და უმაღლეს წარმომადგენელს, ჟოზეფ ბორელს. საუბარი შეეხო მსოფლიოში არსებულ რთულ ეპიდვითარებას. ამასთან, გუშინ სალომე ზურაბიშვილი ევროპარლამენტის პრეზიდენტს და ევროპარლამენტის საგარეო კომიტეტის თავმჯდომარეს შეხვდა.
ავტორი: ექსპრესნიუსი,
epn.ge (@expressnews.ge)
