2021-01-19 16:34:40, 2569 ნახვა
კულტურა
გელათის სამონასტრო კომპლექსის ღვთისმშობლის სახელობის ტაძარზე სამუშაოებს ახალი კომპანია განახორციელებს
![]() გელათის სამონასტრო კომპლექსის ღვთისმშობლის სახელობის ტაძარზე სამუშაოებს ახალი კომპანია განახორციელებს. ამის შესახებ გადაწყვეტილება კულტურული მემკვიდრეობის დაცვის ეროვნული სააგენტომ მიიღო. „გელათის სამონასტრო კომპლექსის ღვთისმშობლის სახელობის ტაძარზე შექმნილი ვითარების გამოსასწორებელ ღონისძიებებს კულტურული მემკვიდრეობის დაცვის ეროვნული სააგენტოს გადაწყვეტილებით, დღეიდან სხვა კომპანია განახორციელებს. პრევენციული ქმედებების ფარგლებში ჩატარებული სამუშაოებისას გამოვლენილი ხარვეზების გამოუსწორებლობის გამო, შემსრულებელ კომპანიებს "ხელოვნების საერთაშორისო ცენტრს" და "იკორთა 2007" ს ადმინისტრაციული სამართალდარღვევის კოდექსით გათვალისწინებული ჯარიმები განესაზღვრათ, რომელიც მსოფლიო მემკვიდრეობის ნუსხაში მყოფი ძეგლის გათვალისწინებით 12000 - 12000 ლარს მოიცავს. სააგენტოს მონიტორინგის სამსახურის მიერ გასულ წელს გაცემული გაფრთხილების მიუხედავად შემსრულებელმა კომპანიებმა ამ დრომდე ვერ უზრუნველყვეს სანებართვო პირობების გადაცდომით შესრულებული სამუშაოების შედეგების გამოსწორება, რაც მთელ რიგ კონსტრუქციულ ელემენტებზე გამოვლენილი ხარვეზების აღმოფხვრას ითვალისწინებდა. ფიზიკური სამუშაოების პროცესში დაშვებული შეცდომების მიზეზით, 18 იანვარს მთავარი ტაძრის დასავლეთი მკლავის სამხრეთ ფერდზე ქარის შედეგად დროებითი გადახურვის ფრაგმენტი აძვრა. დაზიანებული კონსტრუქციის აღდგენის სამუშაოები ეროვნული სააგენტოს ინიციატივით გუშინ საღამოდანვე დაიწყო და დღეს დასრულდება. აღდგენილი მყარი გადახურვის სათანადო წესით გამაგრების პარალელურად, სააგენტოს ინსპექტირების ჯგუფის სპეციალისტების ზედამხედველობით გადამოწმდება დროებითი გადახურვების ყველა არეალი. პრევენციული ქმედებებისას შესრულებული სამუშაოების ხარვეზების აღმოფხვრას დღეიდან კომპანია "ბაგინეთი +" განახორციელებს. სამუშაოების წარმართვას კი ფინანსურად სამართლებრივი პასუხისმგებლობის მქონე კომპანიები უზრუნველყოფენ. არსებული ხარვეზების გამოსწორების პროცესი სააგენტოს ინსპექციის ჯგუფის მუდმივი მეთვალყურეობით წარიმართება“, - ვკითხულობთ განცხადებაში.
მარიუპოლში, სარდაფის ნანგრევებში 200-მდე ცხედარი იპოვეს
სტოკჰოლმის სომელიეთა სკოლაში ქართული ღვინის მასტერკლასი და პრეზენტაცია გაიმართა
„თიბისის“ მომხმარებელს ციფრული ბანკის დახმარებით ცხოვრების გამარტივება ყოველდღე შეუძლია
კულება: ნაადრევია დავასკვნათ, რომ უკრაინას ყველა საჭირო იარაღი აქვს - დააჩქარეთ მოწოდება
|
ომი უკრაინაში![]() მარიუპოლში, სარდაფის ნანგრევებში 200-მდე ცხედარი იპოვეს
![]() კულება: ნაადრევია დავასკვნათ, რომ უკრაინას ყველა საჭირო იარაღი აქვს - დააჩქარეთ მოწოდება
![]() ხერსონის ე.წ ადმინისტრაცია - არ ვგეგმავთ დამოუკიდებელ რესპუბლიკად ყოფნას, გვსურს რუსეთის სუბიექტი ვიყოთ
ვიდეო/LIVE გია ბერიაშვილი და დავით რატიანი საქართველოში ჩამოასვენეს
მარიუპოლის დაცემა
დღის თემა
![]() ვიკიპედიაში რამდენიმე ენაზე ტერმინი რაშიზმი გაჩნდა, მათ შორის რუსულ ენაზე - რა არის რაშიზმი?
მთავარი თემა
|