ბექა დავითულიანის განცხადებით, ოპოზიციასთან ყველა შეთავაზება მმართველი გუნდის მხრიდან იყო წარდგენილი

2021-01-14 14:31:23, 328 ნახვა

პოლიტიკა

ქვეყანაში არსებობს პარტიული და ოპოზიციური კრიზისი, რაც პირველ რიგში ოპოზიციას აზიანებს, - ამის შესახებ საპარლამენტო უმრავლესობის წევრმა, ბექა დავითულიანმა განაცხადა.

მისი თქმით, ოპოზიციასთან ყველა შეთავაზება მმართველი გუნდის მხრიდან იყო წარდგენილი.

„ქართულ ოცნებას“ თავის შეთავაზება გაკეთებული აქვს. პრაქტიკულად, ყველა პირობა მათ წინაშე ჩვენი მხრიდან იყო წარდგენილი. დამატებითი მოთხოვნები არ ვიცი ჩვენთვის რამდენად მისაღები იქნება. ამ ქვეყანაში არსებობს პარტიული და ოპოზიციური კრიზისი. რა თქმა უნდა, ეს ჯამურად ქვეყნისთვის არ არის კარგი, თუმცა გარკვეული თვალსაზრისით, ეს კრიზისი პირველ რიგში აზიანებს ოპოზიაციას. ამიტომ, ჯობია დროზე მოეგონ გონს და გადმოდგან ნაბიჯები“, - განაცხადა ბექა დავითულიანმა.

ავტორი: ექსპრესნიუსი,