2021-01-11 12:40:05, 265 ნახვა
კომენტარი
ომბუდსმენი - იოანე გამრეკელისა და დეკანოზ ილია კარკაძის ქადაგება შესაძლოა ქვეყანაში ანტისემიტიზმის გაძლიერების საფრთხეს ქმნიდეს
![]() „იოანე გამრეკელისა და დეკანოზ ილია კარკაძის ქადაგება შესაძლოა ქვეყანაში ანტისემიტიზმის გაძლიერების საფრთხეს ქმნიდეს“, - ამის შესახებ განცხადებას სახალხო დამცველი აქვეყნებს. ომბუდსმენის განცხადებით, ქვეყანაში ანტისემიტური მოსაზრებების გავრცელება საფრთხეს უქმნის ეთნიკურად ებრაელი ხალხის თანასწორუფლებიანობას. „სახალხო დამცველი ეხმაურება საქართველოს მართლმადიდებელი ეკლესიის ქუთაისისა და გაენათის ეპარქიის მღვდელმთავრის მიტროპოლიტ იოანე გამრეკელის და ასევე, ქუთაის-გაენათის ეპარქიის მღვდელმსახურის დეკანოზ ილია კარკაძის ქადაგების გარშემო განვითარებულ მოვლენებს, რაც შესაძლოა, ქვეყანაში ანტისემიტიზმის გაძლიერების საფრთხეს ქმნიდეს. საქართველოს სახელმწიფოს მხრიდან აღნიშნულს თავდაპირველად მხოლოდ ისრაელში საქართველოს ელჩი ლაშა ჟვანია გამოეხმაურა, რომელმაც ქადაგების მწვავედ შეფასების ნაცვლად, მიტროპოლიტ გამრეკელის მიმართ გავრცელებულ კრიტიკას ცილისწამება უწოდა. მოგვიანებით, საქართველოს საგარეო საქმეთა მინისტრმა დავით ზალკალიანმა აღნიშნა, რომ ანტისემიტიზმის უმცირესი გამოვლინებაც კი ვერასოდეს იპოვის ადგილს ქართველის გულსა და ცნობიერებაში. სახალხო დამცველის განცხადებით, ქვეყანაში ანტისემიტური მოსაზრებების გავრცელება საფრთხეს უქმნის ეთნიკურად ებრაელი ხალხის თანასწორუფლებიანობას და ამასთან, წარმოაჩენს, რომ კაცობრიობის ისტორიაში ერთ-ერთი ყველაზე საზარელი დანაშაული - ჰოლოკოსტი და მისი გამომწვევი წინაპირობები სათანადოდ არ არის გააზრებული. ანტისემიტიზმის ნებისმიერი გამოვლინება საფრთხის შემცველია როგორც თითოეული მოქალაქისთვის, ასევე მთლიანად საზოგადოებისთვის“, - ვკითხულობთ განცხადებაში.
|
კორონავირუსი - ყველა სიახლე2021-01-16 11:53:38 აჭარაში კორონავირუსით ინფიცირებული 8 პაციენტის ჯანმრთელობის მდგომარეობა კრიტიკულად მძიმეა 2021-01-16 10:58:00 კორონავირუსის ახალი შემთხვევებიდან 485 თბილისში, 219 იმერეთში, 122 კი სამეგრელო-ზემო სვანეთში გამოვლინდა 2021-01-16 10:55:37 საქართველოში კორონავირუსით კიდევ 23 პაციენტი გარდაიცვალა 2021-01-16 10:54:31 საქართველოში კორონავირუსის 1 236 ახალი შემთხვევა გამოვლინდა, გამოჯანმრთელდა 2 189 პირი 2021-01-16 09:58:00 ოკუპირებულ აფხაზეთში კორონავირუსის 127 ახალი შემთხვევა გამოვლინდა, გარდაიცვალა 6 პაციენტი ვიდეო/LIVE ვითარება აშშ-ში - პირდაპირი
|