2021-01-10 16:35:38, 1174 ნახვა

---

აშშ-ს კონგრესმენი - ჯო ბაიდენის ადმინისტრაცია საქართველოსა და NATO-ს სხვა მოკავშირეებზე რუსეთის თავდასხმებს წინ აღუდგება

ჯო ბაიდენის ადმინისტრაცია წინ აღუდგება რუსეთის თავდასხმებს საქართველოსა და NATO-ს სხვა მოკავშირეებზე, - ამის შესახებ აშშ-ს წარმომადგენელთა პალატის საგარეო საქმეთა კომიტეტის თავმჯდომარემ, გრეგორი მიკსმა „ამერიკულ ხმასთან“ ინტერვიუს დროს განაცხადა.

როგორც კონგრესმენმა განაცხადა, აშშ არ აპირებს პუტინის მიმართ შემწყნარებლობას.

„ჩვენ წინ აღვუდგებით, ბაიდენის ადმინისტრაცია წინ აღუდგება რუსეთის თავდასხმებს ნატოს მთავარ მოკავშირეებზე, როგორიცაა საქართველო. ჩვენ არ გვინდა, რომ ისინი ბალკანეთში მოქმედებდნენ, არ გვინდა რომ თავს ესხმოდნენ ჩვენს მოკავშირეებს და დემოკრატიებს მთელ ევროპაში.

 ამიტომ, არ ვაპირებთ პუტინს შემწყნარებლობით მივუდგეთ და ვთქვათ, რომ რასაც ის აკეთებს, მისაღებია. მაგალითად, რაც ხდება უკრაინაში, ყირიმში. ჩვენს მოკავშირეებს გვერდში დავუდგებით, ხმას ავიმაღლებთ და რუსეთს ამ კუთხით წინ აღვუდგებით“, - აღნიშნა კონგრესმენმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი