2020-12-25 10:01:51, 653 ნახვა
პოლიტიკა
აჭარის უმაღლესი საბჭო დღეს მთავრობის თავმჯდომარესა და მინისტრთა კაბინეტს დაამტკიცებს
აჭარის უმაღლესი საბჭო ავტონომიური რესპუბლიკის მთავრობის თავმჯდომარესა და მინისტრთა კაბინეტს დაამტკიცებს.
რიგგარეშე სხდომა 09:00 საათიდან მიმდინარეობს.
როგორც ცნობილია, საქართველოს პრეზიდენტმა აჭარის მთავრობის თავმჯდომარეობის კანდიდატად ისევ თორნიკე რიჟვაძე წარადგინა. თავის მხრივ, რიჟვაძემ დეპუტატებს მინისტრთა კაბინეტის შემადგენლობა წარუდგინა.
აჭარის ჯანდაცვის მინისტრად ნინო ნიჟარაძე, აჭარის განათლების კულტურისა და სპორტის მინისტრად მაია ხაჯიშვილი, აჭარის ფინანსთა და ეკონომიკის მინისტრად ჯაბა ფუტკარაძე და აჭარის სოფლის მეურნეობის მინისტრად გიორგი სურმანიძის კანდიდატურები განიხილება.
მთავრობის თავმჯდომარეობისა და მინისტრობის კანდიდატებს კომიტეტებში უკვე მოუსმინეს და დღეს რიგგარეშე სესიაზე დაამტკიცებენ.
ავტორი: ექსპრესნიუსი,
epn.ge (@expressnews.ge)
