ანრი ოხანაშვილი - თუკი კონკრეტული პარტიის მხრიდან საბოტაჟი დემოკრატიულ ფორმას შეიძენს, მათ დაფინანსება კვლავ აღუდგებათ

2020-12-22 10:13:47, 548 ნახვა

პოლიტიკა

„ქართული ოცნების“ წევრმა, ანრი ოხანაშვილმა განაცხადა, რომ თუკი კონკრეტული პარტიის მხრიდან საბოტაჟი დემოკრატიულ ფორმას შეიძენს, მათ დაფინანსება კვლავ აღუდგებათ.

მანვე აღნიშნა, რომ პარტია, რომელიც ხალხის ნების განხორციელებისა და დემოკრატიისადმი საბოტაჟს განახორციელებს, არ უნდა დაფინანსდეს.

„ჩვენი ამოცანაა, რომ გრძელვადიან პერსპექტივაში ისეთი პოლიტიკური პარტია, რომელიც გადაწყვეტს, რომ საბოტაჟი განახორციელოს ხალხის ნების განხორციელებისა და დემოკრატიისადმი, ასეთ პოლიტიკურ პარტიას დაფინანსება შეუჩერდეს იმ პერიოდით, რა პერიოდშიც ის განახორციელებს ასეთ საბოტაჟს. თუკი ეს მოცემულობა, საბოტაჟი შეიცვლება და დემოკრატიულ ფორმას შეიძენს კონკრეტული პარტიის მხრიდან, რა თქმა უნდა, დაფინანსება კვლავ აღუდგებათ“, - განაცხადა ანრი ოხანაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან