პარლამენტის თავმჯდომარის, არჩილ თალაკვაძის განცხადებით, პირველი რეზოლუცია, რომელსაც მეათე მოწვევის პარლამენტი დაამტკიცებს, საგარეო პოლიტიკურ პრიორიტეტებს შეეხება.

მისი თქმით, პარლამენტი სამი მოსმენით მიიღებს კანონპროექტს ამნისტიის შესახებ, რომელიც ორი მთავარი ამოცანის შესრულებას უზრუნველყოფს.

„საქართველოს პარლამენტის პირველი რეზოლუცია, რომელსაც ჩვენ დავამტკიცებთ იქნება საგარეო პოლიტიკური პრიორიტეტების შესახებ, რომელშიც მკაფიოდაა მოცემული ჩვენი საგარეო კურსისა და საქართველოს მისწრაფების შესახებ დასავლურ ოჯსახთან ინტეგრაციასთან დაკავშირებით. ასევე მოგეხსენებათ, რომ ინიცირდება კანონპროექტი ამნისტიის შესახებ. ეს არის ჰუმანური აქტი. თქვენ გახსოვთ, რომ ჩვენ გვქონდა მე-9 მოწვევის პარლამენტის ფარგლებში შეხვედრა ოჯახის წევრებთან, რომლებიც ამნისტიასთან დაკავშირებულ მოთხოვნებს აყენებდნენ. ასევე, მოგეხსენებათ, რომ საქართველოს პარლამენტი ტრადიციულად, თავის უფლებამოსილების ფარგლებში ზრუნავს პატიმრობაში მყოფი პირების რესოციალიზაციის, მათი საზოგადოებაში ინტეგრაციის შესახებ.

საბოლოო ჯამში, სამი მოსმენით მიღებული იქნება ისეთი კანონპროექტი ამნისტიის შესახებ, რომელიც უზრუნველყოფს ორი უმნიშვნელოვანესი ამოცანის შესრულებას. პირველი - ეს არის ჰუმანური აქტი, ამნისტია და პატიმრების დაბრუნება, რესოციალიზაცია საზოგადოებაში. მეორე - ამ აქტით საზოგადოებრივი უსაფრთხოების დონეც დარჩეს დაცული და მან არავითარი უარყოფითი ზეგავლენა არ მოახდინოს ამ მიმართულებით. შესაბამისად, საკითხი მიჰყავთ ადამიანის უფლებათა დაცვისა და იურიდიულ კომიტეტებს. ჩვენ მაქსიმალურად შევეცდებით, რომ ამომწურავი მსჯელობის შემდეგ, სამი მოსმენით მივიღოთ ეს კანონპროექტი“, - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს