პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის დიმიტრი ხუნდაძის განცხადებით, საზოგადოებრივი ჯანდაცვის შესახებ კანონის მოქმედების დრო 6 თვით გახანგრძლივდება. 

როგორც დიმიტრი ხუნდაძემ ბრიფინგზე განაცხადა, საზოგადოებრივი ჯანდაცვის შესახებ კანონი დაეხმარა ხელისუფლებას, რომ კორონავირუსის გავრცელების პრევენციის მიზნით დაწესებული შეზღუდვები ეფექტური ყოფილიყო.

"საქართველოს, ისევე როგორც მთელს მსოფლიოს ჯერ კიდევ პანდემიის რეჟიმში უწევს ცხოვრება, ამ გამოწვევას ვერც ერთმა ქვეყანამ ვერ გაართვა ზიანის გარეშე თავი. რომ არა საკოორდინაციო საბჭოს ეფექტური მუშაობა, რომელსაც ხელმძღვანელობს პრემიერ-მინისტრი გიორგი გახარია, საქართველოში ზიანი გაცილებით დიდი იქნებოდა. მიუხედავად, ჩვენს მიერ პროგნოზირებადი მეორე ტალღის პიკური ეტაპისა, ბოლო დღეებში პოზიტიური ტენდენცია შეინიშნება, რაც მთავრობის მიერ დაწესებულმა შეზღუდვებმა და საზოგადოების დამყოლობამ გამოიწვია.

მოვუწოდებ ყველას, მაქსიმალური პასუხისმგებლობით მოეკიდონ დაწესებულ შეზღუდვებს. ბოლო პერიოდის ეპიდტენდენცია ადასტურებს იმას, რომ გარკვეული შეზღუდვების დაწესება რელევანტური და დროული იყო. ამ ნაბიჯების გადადგმის საშუალება, ხელისუფლებას საზოგადოებრივი ჯანდაცვის შესახებ კანონმა მისცა, რომელის მოქმედების ვადაც იანვრამდე განისაზღვრა. ეს ვადა რამდენიმე დღეში იწურება, რის შემდეგაც პროცესის მართვა მის გარეშე გაძნელდება. სწორედ ამის გათვალისწინებით, ჩვენ ვაინიცერებთ კანონპროექტს, რომელიც მიხედვითაც საზოგადოებრივი ჯანდაცვის შესახებ კანონის მოქმედების დრო, 6 თვით გახანგრძლივდება", - განაცხადა დიმიტრი ხუნდაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს