2020-12-11 10:41:34, 653 ნახვა

---

ნინო თანდილაშვილმა და აშშ-ის კომერციის დეპარტამენტის მდივნის მოადგილის თანაშემწემ, დავიდ დე ფალკომ ონლაინ შეხვდა გამართეს

გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა და აშშ-ის კომერციის დეპარტამენტის მდივნის მოადგილის თანაშემწემ, დავიდ დე ფალკომ ონლაინ შეხვდა გამართეს.

შეხვედრაზე საქართველოს სოფლის მეურნეობის სტრატეგია, ამერიკული ტექნოლოგიების დანერგვა სოფლის მეურნეობის სექტორში და კომერციის დეპარტამენტის მიერ ორგანიზებული SABIT-ის პროგრამა (კერძო სექტორის წარმომადგენლებისათვის) განიხილეს.

ონლაინ შეხვედრაზე აშშ-ის წარმომადგენლებმა აღნიშნეს, რომ საქართველოს, როგორც სტრატეგიულ პარტნიორს, ფინანსურ დახმარებას გაუწევენ სოფლის მეურნეობის მიმართულებით პროექტების განხორციელებაში.

„შეხვედრაზე განვიხილეთ სოფლის მეურნეობის მიმართულებით სამომავლოდ განსახორციელებელი პროექტები. აშშ-ის მხარემ მზადყოფნა გამოთქვა, რომ საქართველოს დაეხმარება პანდემიის პერიოდში სოფლის მეურნეობის დარგში არსებული გამოწვევების დაძლევაში და ფერმერების მხარდამჭერი პროექტების განხორციელებაში. შესაბამისად, განვსაზღვრავთ იმ მიმართულებებს, სადაც ფინანსურ მხარდაჭერას მივიღებთ სტრატეგიული პარტნიორისგან“, - განაცხადა ნინო თანდილაშვილმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი